ZYRTARE/ Prishtina rikthehet te titulli kampion në Kosovë pas 8 vitesh

Prishtina fiton matematikisht titullin kampion në Kosovë për herë të 11-të në histori. Skuadra bardhekaltër mbylli llogaritë një javë para fundit falë fitores 1-2 në fushën e Gjilanit (shënuan në pjesën e parë Mici me penallti dhe Zyba, ndërsa golin e gjilanasve e realizoi në fraksionin e dytë Arbër Çyrbja.

Diferenca me Dritën ndjekëse (fitoi 0-1 me Drenicën) mbetet pesë pikë (78/73). Bardhekaltrit rikthehen te titulli kampion pas plot tetë vitesh. Vendi i dytë do të përcaktohet në javën e fundit, pasi edhe Ballkani triumfoi 4-3 ndaj Trepçës ’89, që do të thotë se diferenca me Dritën mbetet dy pikë.