Klosi: 100 mijë fidanë shege mbillen në Divjakë

Një ndër burimet alternative për zbatimin e programit të gjelbërimit të Shqipërisë me  20 milionë e 200 mijë pemë deri në vitin 2020 është edhe krijimi i plantacioneve me dru frutorë . Në kuadër të këtij programi ministrat Klosi dhe Peleshi mbollën fidanë shege në një nga fermat e reja në Divjakë ku prej ditës së sotme numërohen plot  100 mijë dru frutorë. Pasi pa nga afër investimin e realizuar ministri Klosi u shpreh se mbjellja e fidanëve frutorë   mbështetet me një  skemë të përbashkët nga MTM dhe AZHBR, nëpërmjet financimit të fermerëve në mbarë vendin.

Kreu i Turizmit dhe Mjedisit  theksoi se mbjellja e 100 mijë fidanëve me shegë në këtë fermë është kontribut për ajër më të pastër, ekonomi dhe mirëqenie. Ministri Klosi, apeloi që çdo qytetar të mbjellë një pemë për të afërmit e tij duke u bërë pjesë e Ditëve Kombëtare të Pemëve më 23-24 shkurt. Pikërisht në këto ditë do të fillojë edhe muaji i Mjedisit gjatë të cilit Ministria e Turizmit dhe Mjedisit  paralajmëron se jo vetëm do të shtrijë gjerësit programet e pyllëzimit, por edhe do të fillojë ndëshkimin e ndotësve në mjedis në shkallë vendi.

Në vijim të programit të gjelbërimit, Ministria e Turizmit dhe Mjedisot  po bashkërendon axhendën e saj edhe  me AZHBR edhe në kuadër të Projektit të Shërbimeve Mjedisore, në muajin Mars pritet të hapet thirrja e dytë për aplikime për punime të pyllëzimit mbi fondin pyjor. Nëpërmjet kësaj thirrje pritet që në sezonin e pyllëzimeve 2018-2019, të mbillen rreth 1 milion fidanë pyjorë.

Nga ana e tij, Ministri Peleshi garantoi mbështetjen e Ministrisë së Bujqësisë për mbjelljen e 20 milionë e 200 mijë pemëve deri në vitin 2020.  “Në 4 vite 2 milionë pemë vetëm të mbështetura nga ministria e Bujqësisë  dhe me iniciativën private të lirë, drurët frutorë mund të kapin shifrat rreth 4 milionë deri 5 milionë’,- tha Peleshi. Në aktivitet ishin të pranishëm edhe deputeti i zonës Erjon Brace dhe kryetari i bashkisë Divjakë të cilët së bashku me ministri Klosi vlerësuan investimin që e kishte shndërruar tokën e kripur në një tokë të punueshme.  Deputeti Braçe theksoi se përveç këtij kontributi në mjedis dhe bujqësi sipërmarrje të tilla rrisin punësimin në zonë.” E gjitha kjo që po ndodh, natyrisht, që përthyhet dhe në punësim për banorët e zonës, por dhe më gjerë se sak kaq  Vetëm këtu do të duhen gati 1 mijë punëtorë nesër- tha deputeti Braçe.

Fjala e ministrit Klosi

Jemi sot këtu me Kryetarin e Bashkisë së Divjakës me Deputetin Braçe me Nikon me Dhimon dhe me shumë miq të tjerë për t’i dhënë një jehone të fortë aksionit tonë për të mbjellë 20 milionë e 200 mijë pemë deri në vitin 20 20 duke e parë atë si një aksion që nuk ka të bëjë vetëm me pemë, ka të bëjë me dashurinë për natyrë, me dashurinë për tokën, dashurinë për riprodhim, me dashurinë për të prodhuar më shumë mirqënie dhe natyrisht më shumë të ardhura. Ky komunitet i Divjakës në ndihmë të dy biznesmenëve shumë të interesuar për më shumë gjelbërim dhe prodhim në Shqipëri, tashmë ka jo vetëm 100 mijë pemë  të reja të mbjella por ka 100 mijë mundësi më shumë për të pasur të mira materiale për ta. Aksioni ynë për të mbjellë më shumë pemë është që të kemi mundësi që e gjithë shoqëria të përfshihet në procesin e riprodhimit të jetës procesin e ripodhimit të të mirave, procesin e riprodhimit të dashurisë për natyrën. Në datën 23-24 shkurt e kemi shpallur ditën e pemëve dhe do të kërkojmë që çdo femije,  çdo nënë, çdo familjar, të mbjellë një pemë për njeriun e tyre të dashur të riprodhojë në tokë diçka, atë detyrë që n a ka dhënë në fakt edhe Bibla edhe Kurani. Prandaj ne vazhdojmë t’i bëjmë thirrje njerëzve që të ndjekin shembullin e Shpëtimit dhe Ilir Trebicka të cilët kanë mbjellë në një ditë 100 mijë pemë. Le ta quajmë një ditë simbolike, 1 ditë-100 mijë pemë. Kjo për të dhënë mundësinë dhe mesazhin në të gjithë Shqipërinë, kemi shumë hapësirë të cilat mund të mbushen me pemë që prodhojnë kokrra. Pra, me pemë që prodhojnë para, me pemë që prodhojnë dashuri. Me pemë që prodhojnë të mira për gjithë shoqërinë Shqiptare.  Pra, jam besimplotë që projekti ynë 20 milion e 200 mijë pemë deri në vitin 20 20 do të jetë i mbushur më shumë se sa numri që kemi vënë vetes objektiv, po kjo kërkon një angazhim të të gjithëve dhe një kuptim që të gjithë këto hapësira boshe të mbushen me pemë që prodhojnë, që prodhojnë për njerëzit, prodhojnë për industrinë, prodhojnë për ekonominë, që prodhojnë lule për bletët që prodhojnë oksigjen për te gjithë