Kastriot Skënderi kalon në krye të Policisë së Elbasanit

Kastriot Skënderi është emëruar drejtori i ri i Policisë së Qarkut Elbasan.

Skënderi me një karrierë të gjatë në radhët e Policisë së Shtetit dhe eksperiencë në poste drejtuese, do të marrë detyrën në vend të Fatmir Hoxhës.

Ndryshimet në strukturat drejtuese të policisë pritet të vijojnë edhe në qarqe të tjera.

Në ditët në vijim mund të ketë lëvizje të tjera, veçanërisht në qarqet ku drejtuesit aktualë kanë vijuar të qëndrojnë në detyrë që prej marrjes së drejtimit të Policisë së Shtetit nga Hita.