1 milion euro drogë nga Shqipëria në Maqedoni, 4 të arrestuar

Policia e Maqedonisë ka njoftuar se kanë sekuestruar 108 kilogramë marijuanë dhe kanë arrestuar katër persona.

Nëse do të shitej më doza të vogla, sipas policisë, droga do të gjeneronte 1 milion euro.

Sipas një njoftimi të policisë maqedonase të lëshuar këtë të enjte, droga është rritur në Shqipëri, dhe do të transportohej në Turqi.

Katër të dyshuarit e arrestuar në kryeqytetin e Maqedonisë, Shkup, janë dy maqedonas, një shqiptar dhe një kosovar. Marijuana është gjetur e fshehur në një makinë. Të katër të arrestuarit janë në paraburgim./syri/