AKEP, plan për të bllokuar telefonatat e bezdisshme të reklamave

Autoritetit të Komunikimeve Elektronike dhe Postare ka parashikuar në strategjinë e tij të vitit 2019 të mbrojë qytetarët nga thirrjet e bezdisshme të bizneseve private që reklamojnë mallrat e tyre me telefon.

AKEP ka vendosur të krijojë një regjistër  “Mos telefononi – Do Not Call ME” për thirrjet e pakërkuara, për të rregulluar aktivitetet e telemarketuesve që bëjnë thirrje telefonike të padëshiruara telefonike për individë privatë.

Skema e regjistrimit do të mundësojë përdoruesit që të bëjnë ‘opt-out’,  pra të mos marrin thirrje të pakërkuara nga kompanitë telemarketing.

AKEP do të shqyrtojë praktikat më të mira ndërkombëtare për krijimin dhe fuksionimin e një regjistri të tillë.