Ja deri ku arrin çmenduria e aventurierëve të makinave, nga shpejtësia arrin te bordura e Liqenit të Tiranës

Një aksident i rëndë ka ndodhur sot në orët e para të mëngjesit në Tiranë. Një makinë e tipit “X6” e cila po udhëtonte në “Rrugën e Kosovarëve”, ka dalë nga rruga duke fluturuar mbi barrierat dhe ka përfunduar në digën e Liqenit të Tiranës.

Mjeti është përplasur në zonën e autorizuar vetëm për këmbësorë.

Edhe nëse do të duhej për të regjistruar një film hollivudian nuk mund të arrihej dot ngjitja e malores së digës së Liqenit.

Fatmirësisht nuk ka patur njerëz e makina në atë orë dhe moment sepse do të kishte fatkeqsi të madhe.

Nëpër rrugët e Tiranës, në orët e vona të natës, çdo natë shikon aventurierë dhe të droguar që ecin me shpejtësi të çmendur. Ndaj duhet që policia rrugore të  marrë masa drastike ndaj kësaj kategorie drejtuesish automjetesh.