Aritmetika e kanabisit: Mbi 20 mijë ton kanabis stok nga prodhimi i 2016-ës

Për deputetin demokrat Oerd Bylykbashi rënia e kultivimit të kanabisit gjatë 2017-ës nuk ka të bëjë aspak me betejën e qeverisë kundër fenomeni, por me rritjen masive të sasisë së stokut të mbledhur nga të mbjellat e kanabisit gjatë vitit 2016.

Duke iu referuar shifrave të deklaruara të premten nga krerët e Guardia di Finanza-s, dhe të raportuara në media, që “në 2016-ën u mbollën plot 219 mijë hektarë kanabis në territorin shqiptar”, Bylykbashi bën dhe një përllogaritje “të shpejtë” të sasisë së stokut që tashmë është magazinuar dhe pret eksportin e saj në Europë, ku sipas tij rezulton se janë 2 milion e 190 mijë ton kanabis që janë mbledhur nga të korrat e prodhimit të vitit të kaluar.

“Po edhe sikur 1/100 të jetë e vërtetë, janë mbi 20 mijë ton. Edhe kaq të lë pa frymë!”- thotë Bylykbashi.

Në vijim, bashkëkryetari i Komisionit për Reformën Zgjedhore të gjtihë këtë sasi kanabis e lidh drejtëpërdrejtë me përdorimin e parave të siguruara nga kanabisi në zgjedhjet parlamentare të 2017-ës, duke u shprehur se ajo çfarë ka ndodhur në zgjedhje është një “gjëmë” për shqiptarët.

Analiza e deputetit Oerd Bylykbashi  nw “Facebook”

Sasia është rekord, madje e tillë që ka ulur edhe çmimin me shumicë në Shqipëri. Nga 1800 euro/kg që përflitej në Jug në verën e 2015-ës për shkak të monopolizimit nga Habilajt, në më pak se 100 euro për kg ne 2017. Tani këta mavritë e qeverisë krenohen se në 2017-ën janë mbjellë vetëm 60 mijë bimë. Po, a ka injorant që shpenzon para për të mbjellë sasi të reja kur tunelet, magazinat e hambarët janë plot?! As logjika më e thjeshtë e tregut nuk ta lejon.‎ Kush është ai që investon me humbje?

Media raporton se Guardia di Finanza deklaroi në Tiranë gjatë vizitës së Ministrit të Brendshëm italian Minniti që në 2016, viti i mbjelljes dhe trafikimit rekord para zgjedhjeve të 2017, ishin mbjellë 219 mijë hektarë. Pra, nëse kjo është e saktë, janë plot 2 miliardë e 190 milionë metra katrorë (?!?!?) “Ustallarët” të thonë që një bimë kërkon 1 m2, pra aritmetika na thotë që janë mbjellë 2 miliardë e 190 milionë bimë. Një bimë jep një kg, pra qenkan prodhuar ‎2 miliardë e 190 milionë kg?! 2 milion e 190 mijë ton?! Po edhe sikur 1/100 të jetë e vërtetë, janë mbi 20 mijë ton. Edhe kaq të lë pa frymë!

‎Por, kur me 5 milionë eurot fitim mujor të Saimirit që i harxhonte në një fushatë stërfitohen zgjedhjet në një qark dhe kur me 20 milion euro mund të blesh të gjithë zgjedhjet, çfarë gjëme ka ndodhur me zgjedhjet në 2017-ën?