Arrestohet hajduti i motorave në Elbasan

Një 15-vjeçar ka rënë në prangat e policisë së Elbasanit  për një seri vjedhjesh.

Blutë arrestuan shtetasin me iniciale  R.P, banues në Elbasan pasi në bashkëpunim me bashkëmoshatarin e tij G.K 15 vjeç dyshohen të kenë vjedhur një motor në pronësi të shtetasit N.R, 55 vjeç. Ngjarja ka ndodhur në lagjen “Qemal Stafa”

Efektivat e policisë po punojnë për kapjen e shtetasit G.K, 15 vjeç.

Ndërkohë gjatë hetimeve rezultoi se shtetasi R.P dyshohet të jetë autor i disa vjedhjeve të ndodhura në Elbasan konkretisht:

Më datë 13.03.2017 dyshohet të ketë vjedhur motorrin tip “Yamaha” me targa EL 044 C në pronësi të shtetasit A.K,  38 vjeç banues në Elbasan.

Më datë 20.03.2017 pranë turizmit dyshohet të ketë vjedhur motorrin me targa AE 152  në pronësi të shtetasit  A.B, 31 vjeç banues në Elbasan

Më datë 31.03.2017 pranë stacionit të autobuzëve në Librazhd dyshohet të ketë vjedhur motorrin me targa EL 136 C në pronësi të shtetasit S.D, 37 vjeç banues në Elbasan

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Vjedhja”.