ARRSH jep informacion mbi gjendjen e rrugëve: Ja si paraqitet situata

Pas reshjeve të shiut, dëbora dhe temperaturat e ulëta kanë përfshirë vendin tonë.

Autoriteti Rrugor Shqiptar njofton se janë marrë të gjitha masat për të shmangur bllokimet e rrugëve.

Në akset ku ka pasur problematika, ARRSH thotë se është shpërndarë kripë për të shmangur ngricat.

“Reshjet kanë pushuar. Gjatë natës është punuar me shpërndarjen e kripës për të shmangur ngricat pasi temperaturat në zonat malore kanë qenë të ulëta. Qarkullimi kryhet normalisht në të gjitha akset”, thuhet në njoftimin e ARRSH.