Balla për patronazhistët: Edhe Trump i përdori për të fituar zgjedhjet

Ministri për Marrëdhëniet me Parlamentin, Taulant Balla gjatë fjalës në Kuvend, tha se patronazhistët e Partisë Socialiste do të jenë prezentë edhe në zgjedhjet e ardhshme teksa i drejtohej opozitës.

Sipas tij, patronazhistët janë përdorur edhe në Shtetet e Bashkuara, teksa tha se sipas tij Donald Trump arriti të fitojë zgjedhjet sepse “patronazhistët e tij ishin më të zotë se ata të Joe Biden”.

“Sa ju përmendim patronazhistët ju hyn frika juve, aty do i keni prapë, edhe në 11 maj. Për dikë që di si bëhen fushatat elektorale, edhe në SHBA patronazhistët e Trump ishin më të zotë se ata të Biden. 4 vite më parë Biden fitoi se kishte patronazhistë më të mirë”, u shpreh Balla.