Kryetari i Bashkisë Shkodër, Benet Beci, vijon të ndajë punën e përditshme për përmirësimin e qytetit, duke vënë theksin tek transformimi i hapësirave publike në ambiente më të sigurta dhe funksionale për komunitetin.
“Çdo ditë punohet për t’u dhënë hapësirave publike pamjen që meritojnë.
Pranë lulishtes në Perash po vijon puna për vendosjen e ndriçimit të ri dhe shtrimin e pllakave, një ndërhyrje e rëndësishme që e transformon këtë hapësirë në një ambient më të sigurt, funksional dhe të denjë për komunitetin”, shkruan Beci në postimin e tij.