Debat për buxhetin e Dosjeve, Sula: Duam fonde shtesë dhe…

Komisioni i ligjeve ka çuar në një përplasje opozitën dhe maxhorancën, në lidhje me projektbuxhetin për Autoritetin e Hapjes së Dosjeve. Kreu i këtij Autoriteti, Gentjana Sula u shpreh se nevojiten fonde shtesë për dixhitalizimin e fondit të dokumenteve dhe rritjen e stafit të punonjësve.

“Na duhet të plotësojmë strukturën dhe të restaurojmë godinën. Duam shpenzime operative për paga, kemi vetëm gjysmën e stafit të nevojshëm. Kemi informacion të klasifikuar. Duam siguri. Kamera. Alarme kundër zjarrit. Duam sigurim fizik të informacionit të klasifikuar. Është siguri kombëtare. Si mund ta bëjmë me paratë e donatorëve. Sa i takon investimeve, kemi marrë në dorë një fond të rëndësishëm me dhjetëra miliona faqe të shpërndarë në zyra të papërshtatshme. Kërkojmë fonde shtesë edhe për dixhitalizimin e fondit të dokumeteve”,-tha Sula.

Ndërsa përfaqësuesi i ministrisë së Financave tha se Autoritetit i janë shtuar 10 veta si staf, ndërsa fokusi mbetet ndërtesa. “Të zgjedhim me prioritet. Të bëjmë godinën për Autoritetin e Hapjes së Dosjeve”.

Nga ana tjetër, deputeti socialist, Bashkim Fino kërkoi nga komisioni që të rrisë stafin për Autoritetin në 60 punonjës.