Deputeti Maliqi publikon mesazhet: Si dështoi instalimi i diktaturës

Deputeti Lefter Maliqi e cilëson 30 qershorin një turp dhe dështim total të Rilindjes, pasi sipas tij, votuan vetëm 10% e shqiptarëve.

Përmes një postimi në rrjetet sociale, Maliqi shprehet se 1 korriku është një ditë e bardhë për shqiptarët dhe të ardhmen në BE. Ai publikon disa mesazhe në rrjet, që tregojnë manipulimet, kërcënimet, shantazhet dhe pavlefshmëritë e procesit të votimit.

Postimi i plotë i Maliqit:

Turp 10% e shqiptareve votuan, deshtim total i Rilindjes krimit. 30 qershori ditë deshtimi i instalimit te diktaturës dhe 1 korriku ditë e bardhë per shqiptarët dhe të ardhmen në BE. Ju siguroj që po të vëzhgohezhin e monitoroheshin votat nga opozita 5% dalin te pavlefshme dhe 5% u mbushen vetë plus shantazhimit të administratës për votime.

Sms-të me poshtë flasin vetë për manipulimet, kërcenimet, shantazhimet, pavlefshmëritë. Sqaroj se në një sms ka qenë bashkëshortja e dajës së deputetes dhe jo hallua. Mirënjohje socialistëve të ndershëm, demokratëve, LSI-se, çamëve, minoriteteve etj. pra gjithë shqiptarëve qe i lanë dje kalorësit të rilindjes në dorë tepsinë, timonin, filxhanin. Rama ik, largohu, hapi rrugë zgjedhjeve demokratike të lira të parakohshme. Shqiperia si Europa.