Dilemat e Jorida Tabakut

Aktualitet Kryesore E Enjte, 29 Dhjetor 2022 18:55

“Një dolli për mendimin ndryshe; se të duash të ndryshosh për mirë nuk të bën as të shitur e as të blerë e as peng”-shkruan deputetja karizmatike e PD-së, Jorida Tabaku pas drekës te “Uka Farm”, një prej restoranteve më të mira në Shqipëri. Deputetja Tabaku ishte në drekën me shumë deputetë të PD, ku natyrisht kryesori ishte Sali Berisha.

Në drekë ishte edhe Rexhep Uka në cilësinë e të zotit të shtëpisë (“Uka Farm” është pronë e tij), por ai mbetet një prej themeluesve dhe ikonave të PD. Rexhep Uka ka qenë deputet dhe zv/kryeministër në mandatin e parë të pushtetit të PD. Shfaqja e Jorida Tabakut, krah Rexhep Ukës, e jo afër Sali Berishës, dukej se thoshte se “kam ardhur thjesht për kortezi se më ftuat”.