Dokumenti/ PD: SMS nuk është dërguar nga Basha. Shqiptarët të kuptojnë se kush po e përdor krizën

Partia Demokratike ka publikuar sot dokumentin e kompanisë telefonike që vërteton se mesazhi për Edi Ramën në emisionin “Open” nuk është dërguar nga numri i kreut të PD-së, Lulzim Basha.

Sekretari i PD-së Gzmend Bardhi ka publikuar përgjigjen zyrtare të kompanisë telefonike dhe deklaron të mesazhi ka qenë i sajuar për qëllime politike dhe është dërguar nga një platfomë interneti.

“E vërteta është më e qartë dhe e pastër se çdo lojë e pisët apo maskë e skaduar. Le ta shohin dhe gjykojnë vetë shqiptarët se kush e ka mendjen tek pushteti dhe përdor mesazhe të sajuara kundër kreut të opozitës. Me qëllimin e vetëm, të largojë vëmendjen nga propozimi ynë që ndihmon realisht qytetarët dhe biznesin për të përballuar krizën”,- shkruan Gazmend Bardhi.

Në emisionin “Open” gazetarja Eni Vasili lexoi një SMS që kish ardhur në telefonin e saj me emrin e kreut të PD-së, Lulzim Basha. Në SMS shkruhej:  “Eni, pyeteni Kryeministrin, a është i gatshëm të largohet dhe të më hapë rrugën të marr drejtimin e qeverisë?”.

Siç u sqarua nga gazetarja më vonë dhe sot nga kompania telefonike mesazhi ka qenë një manipulim me anë të internetit.