Ende nuk ka ardhur dosja, bashkëpunëtori i Habilajt drejt lirisë

Një ndër personat bashkëpunëtorë të Habilajve është edhe Nazer Seiti, të cilit i përmendet gjerësisht emri në dosjen e përgjimeve.

Ai për momentin është i arrestuar dhe para disa ditësh u la në arrest me burg me afat 20 ditë, për procedimin penal të nisur në Shqipëri, por sot ai doli sërish në Gjykatën e Tiranës ku u zhvillua seanca për masën e sigurisë për qëllime ekstradimi.

Mësohet se deri më tani nuk ka ardhur asnjë gjë nga Italia në prokurori për Seitin, pavarësisht se ai përmendet në dosjen e përgjimeve.

Nëse dosja nuk vjen bashkë me kërkesën për ekstradim brenda 20 ditësh, Seiti do të lirohet.

Seiti u kap në Vlorë gjatë operacionit ku u sekuestruan 4 ton drogë në fshatin Babicë, në bazat e Habilajve.