Erion Isai paraqitet në SPAK, pritet t’i komunikohet akuza për shkelje në tendera

Kryebashkiaku i Kolonjës Erion Isai është paraqitur këtë të premte në SPAK. Atij pritet t’i komunikohet zyrtarisht akuza për “shkelje të barazisë në tendera apo ankande publike”. Që nga viti 2024, Isai është paraqitur disa herë në SPAK për të dhënë shpjegime lidhur me procedurat e ndjekura në disa tendera. Prokuroria dyshon se ai bashkë me me punonjës të tjerë të bashkisë së Kolonjës kanë favorizuar operatorë ekonomikë të caktuar gjatë procedurave të tenderave.