Fier/Ekzkutohet me 30 plumba në trup, “armiku” i Elton Çiçës

Personi në foto është viktima Nelgert Pata 34 vjeç nga Tepelena, i cili u ekzekutua sot në Fier në aksin drejt Semanit në vendin e quajtur “Qenas”.

Nelgert Pata u qëllua me breshëri automatiku brenda makinës së tij në lëvizje. Ai ka qenë në kërkim që prej gushtit të këtij vitit, pasi në një lokal në Rrugën e Kavajës në Tiranë iu bë një tjetër atentat, por që shpëtoi paq pasi mbeti i lënduar lehtë në vesh.

Nelgert Pata dyshohet se ka lidhje me vrasjen e Elton Çiços një vit më parë në një lokal në Tiranë.

Në atë kohë, Pata ka qenë në burg por mendohet se ka bashkëpunuar nga qelia me vrasësit e Çiços, Jani Aliaj dhe Renato Milloshi, të cilët janë ende në kërkim. Policia është duhet hetuar në pistën e hakmarrjes mes dy bandave nga Tepelena, që ka pasuar me një kalvar të gjatë atentatesh mes tyre.

Nelgert Pata, që u vra sot në Fier gjatë një atentati i mbijetoi një tjetri në Tiranë më 21 gusht të këtij viti. Ngjarja ndodhi te ish-Parku i Autobusëve, ku ai mbeti i plagosur.

Po kush është Nelgert Pata? Ai nuk është një emër i panjohur për drejtësinë. Në vitin 2008 së bashku më babain e tij Astrit Pata janë gjykuar nga organi i akuzës për shfrytëzim prostitucioni, ai është edhe i kerkar nga Policia për vrasjen e Elton Çiços.

Vajza, ka rrëfyer se në vitin 2004 ajo ishte njohur me Astrit Patën në lokalin e të vëllait të tij në Tepelenë, ku vajza punonte si kameriere.

Sipas saj, Astrit Pata i kishte kërkuar më pas të shkonin së bashku për pushime në Greqi. Nga Greqia, Silvana K, thotë se Astrit Pata e kishte dërguar me dokumente false në Norvegji, ku atje e kishte pritur djali i tij, Nelgerti, në atë kohë sapo kishte mbushur 20 vjeç.

Aty nis edhe kalvari i saj, pasi Nelgerti e kishte detyruar të prostituonte. Ajo ka mundur të shpëtojë nga tutorët dhe ka bërë denoncim. Astrit dhe Nelgert Pata u arrestuan pas një letër-porosie të mbërritur nga Norvegjia, në prill të vitit 2006.

Gjykata e Apelit për Krime të Rënda i kë dënuar më 13 korrik të vitit 2009 babë e bir me 31 vite burg dhe 13 milionë lekë gjobë me akuzën për “trafik prostitucioni”.  Apeli ka dënuar me 15 vjet dhe 7 milionë lekë gjobë, Astrit Patën, ndërkohë që të birin e tij Nelgert Pata 16 vjet dhe 6 milionë lekë gjobë.

ATENTATI NE TIRANE DHE DYSHIMET PER VRASJEN E ÇIÇOS

Nelgert Patës iu bë një atentat në Tiranë më 21 gusht të këtij viti te Parku i Autobusëve. Ai mbeti i plagosur, por u zhduk menjëherë pas ngjarjes, pasi ishte i dyshuar në vrasjen e Elton Çiços.

Nga këqyrja e kamerave të sigurisë në lokalin ku u plagos Pata, dukeshin autorët që presin momentin sa të shkojë aty i dëmtuari. Më pas, kur ai shkon aty, e sulmojnë, fillimisht me grushte e më pas njëri qëllon me pistoletë në drejtim të tij. Ai ka qenë i shpallur në kërkim si autor i dyshuar i vrasjes së Elton Çiços.