Fierëz/Përplaset furgoni i punëtorëve, humb jetën një person

Një aksident i rëndë ka ndodhur sot në Tropojë, ku furgoni i punëtorëve të hidrocentralit të Fierzës është përplasur. Për pasojë një person ka humbur jetën dhe disa të tjerë janë plagosur.

Mësohet se ngjarja ka ndodhur në fshatin Dushaj, ku furgoni i puntorëve është përplasur me një furgon mallrash.

Personi që ka humbur jetën është identifikuar si Dem Oruçi, ndërsa një prej të plagosurve ndodhet në gjendje të rëndë.