Flakët përfshijnë zonën pyjore në Darëzezë, ndërhyrja e shpejtë shmang rrezikun

Një zjarr ka rënë mesditën e sotme në zonën e Darëzezës, pranë një sipërfaqeje pyjore, duke rrezikuar përhapjen e flakëve drejt pyllit.

Flakët përfshinë shkurre dhe bimësi të ulët, por falë ndërhyrjes së shpejtë të forcave zjarrfikëse, zjarri u vu në kontroll brenda një kohe të shkurtër.

Reagimi i menjëhershëm u mundësua edhe nga afërsia e stacionit zjarrfikës me vendngjarjen. Fatmirësisht, flakët nuk arritën të përhapen në sipërfaqen pyjore dhe nuk raportohen dëme të tjera.