”Forca e Ligjit”, godet një grup kriminal në Shkodër

Pas Fierit, ”Forca e Ligjit” ka goditur një tjetër grup të strukturuar kriminal, këtë herë në Shkodër. Në një deklaratë për shtyp, policia informoi se ka vënë në pranga disa persona, si dhe ka sekuestruar disa pasuri.

Policia ka arrestuar 7 persona, të cilët akuzohen për veprën penale të shfrytëzimit të prostitucionit.

Uniformat blu njoftuan se gjatë aksionit janë sekuestruar ambient 3-katësh, në pronësi të shtetasit Renard Kota, një armë zjarri pistoletë, një laptop, tre telefona, sasi e konsiderueshme parash. Materialet i kaluan Prokurorisë për veprën penale “Shfrytëzim prostitucioni”.