Gazetari Sokolaj: Ja fenomeni i ri që ka lindur në Shkodër

Gazetari i kronikes Trashgim Sokolaj thotë se në Shkodër ka lindur një fenomen i ri. Në studion e “360 gradë” ai tha se shumica e banorëve jetojnë me fajde.

Sokolaj: Grupet kriminale atje, përfshirë edhe këto që janë të implikuar në ngjarjet e fundit, kishin arritur në atë nivel, që kur ndodhte një përplasje në momentin kur shkonte policia për të mbledhur provat, merrnin në telefon shefat e policisë dhe i thoshin na i hiqni këta policë këtu se do ti merrni kufoma. Vitet e fundit në Shkodër po ndodhin vepra penale që nuk kanë ndodhur më parë. Një pjesë e popullsisë së Shkodrës jeton me fajde. Nuk i paguan dot në kohë dhe pastaj ose i merret prona ose vriten. Pse është ky bilanc i rëndë? Drejtuesit e policisë, përfshirë edhe drejtuesit aktualë të ministrisë së Brendshme janë të interesuar për makiazh dhe nuk janë të interesuar për të goditur bandat.