”George Soros do shpallet ”non-grata” në Shqipëri”, premtimi i Sali Berishës

Ditën që Partia Demokratike do të vijë në pushtet, do të shpallë George Soros si person ”non-grata”, tha Sali Berisha para demokratëve të Korçës. Gjatë një takimi në kuadër të fushatës për zgjedhjet në PD, Berisha tha se ai është një armik i Kosovës, i Shqipërisë dhe i gjithë demokracisë.

”Nga aktet e para të PD në pushtet do të jetë George Soros ”non-grata”. George Soros me rivendosjen e monizmit në Shoqërinë Civile në Shqipëri, me vendosjen e drejtësisë në kontrollin e qeverisë, me implikimin direkt në shkëmbimin e territoreve mes Serbisë dhe Kosovës, është një armik i vërtetë i demokracisë shqiptare.

Kam kërkuar nga PE dhe Kongresi i SHBA, të ndalojnë çdo veprimtari politike të tij jashtë SHBA. Dhe kjo për Shqipërinë, ai nuk do të ketë vend më dhe veprimtaria e tij nuk do të ushtrohet në territorin e Republikës së Shqipërisë”.