Grabitet karburanti tek Ura e Dajlanit, merret kasaforta me para

Një karburant në autostradën Tiranë-Durrës ka rënë pre e grabitjes gjatë mesnatës.

Rreth orës 02:00 të mëngjesit të sotëm, persona të paidentifikuar kanë grabitur karburantin që ndodhet në afërsi të Urës së Dajlani.

Sipas policisë, autorët kanë hyrë nga pjesa e pasme e godinës duke thyer xhamat.

Nga burimet policore mësohet se është grabitur kasaforta e këtij subjekti, ndërkohë që shuma e parave të grabitura nuk dihet ende.

Grabitja është konstatuar nga punonjësit e karburantit dhe menjëherë pas lajmërimit të policisë, në vendngjarje kanë shkuar uniformat blu që po punojnë për zbardhjen e kësaj ngjarjeje si dhe identifikimin e autorëve.