Grabitje me armë në Paskuqan, tre hajdutët marrin lekët e makinën

Një grabitje me armë është regjistruar sot gjatë natës në Tiranë, ndërsa raportohet se 3 persona ende të paidentifikuar kanë vjedhur një banesë në Paskuqan.

Ngjarja ndodhi rreth orës 02:56, pranë një karburanti. Mësohet se pre e grabitjes ka rënë banesa në pronësi të shtetasit me inicialet K.P.

Burime nga policia e kryeqytetit bënë me dije se autorët kanë kontrolluar banesën dhe kanë vjedhur, tre aparate telefonik, shumën monetare prej 32.000 Lekë dhe automjetin tip “Volkswagen”.

Ndërkohë, rreth orës 03:50, automjeti është gjendur i braktisur tek diga e liqenit në Paskuqan. Sakaq, grupi hetimor po punon për identifikimin dhe kapjen e autorëve.