Identifikohet grabitësi që plagosi policin në Laç

Është identifikuar i riu që kreu grabitjen në Laç dhe më pas plagosi edhe policin në kokë.

Burime nga policia thanë se autori i dyshuar është Aldi Lleshaj, 20 vjeç, banues në Kurbin.

Burime nga policia kanë bërë të ditur se rreth orës 09:20, në autostradë afër Kryqëzimit të Arbërisë, 1 person i armatosur ka grabitur mjetin “Porsche” me targa AA 870 II.

Shërbimet e policisë në momentin që kanë marrë njoftimin, janë nisur menjëherë në drejtim të vendngjarjes dhe janë vënë në ndjekje të makinës së vjedhur.

Autori kur ka parë makinën e policisë ka qëlluar me armë zjarri në drejtim të tyre dhe për pasojë ka mbetur i plagosur një punonjës i policisë, Nikolin Gjergji i cili ndodhet jashtë rrezikut për jetën.