Intervistoi Marjan Rrokun në burg: Gjykata jep vendimin për Ardit Gjebrean

Gjykata e Tiranës shpalli të pafajshëm Ardit Gjebrean, moderatorin dhe producentin e “E diela shqiptare”, i cili u akuzua për “fyerje të kryer botërisht”.

Padia për të u ngrit nga babai i të ndjerës, Alda Canaj, pas intervistës që Gjebrea kreu me vrasësin e saj dhe të nënës së saj, Marjan Rroku.

Sipas Faslli Canajt, intervista e transmetuar tek “E diela shqiptare” më 28 shkurt 2016, ishte fyese dhe i kishte rikujtuar familjes së viktimave, ngjarjen e dhimbshme që ata kishin përjetuar 15 vite më parë.

Procesi gjyqësor kundër moderatorit dhe producentit të njohur përfundoi më 17 nëntor, kur gjykatësi Martin Deda vlerësoi se Gjebrea nuk e kishte kryer kundravajtjen për të cilën akuzohej.