Ish-drejtori i Burgut të Durrësit: Përllogaritja e ditëve për Lul Berishën nga zyra juridike

Ish-drejtori i Burgut të Durrësit, Astrit Kotja ka lëshuar një deklaratë për lirimin e Lulzim Berishës, duke theksuar se përllogaritja e ditëve të të dënuarit nuk është përgjegjësi e tij, por e juristit të burgut.

Kotja: Nuk kam lidhje me dinamiken e përllogaritjes së ditëve të dënimit të Lul Berishës. Nuk jam jurist dhe nuk e njoh procedurën. Përllogaritja e ditëve të dënimit është puna e juristit dhe jo e drejtorit të burgut.

Nuk i di detajet e kësaj dinamike, pasi nuk e njoh as juridikisht. Jam shmangur sa mundesha nga kjo procedurë pasi nuk e njoh nga ana teknike. Personalisht nuk kam bërë shkelje ligjore si drejtor, kjo është puna e zyrës juridike.

Gjykata ka vendosur “arrest me burg” për ish-drejtorin, i cili akuzohet nga Prokuroria për shpërdorim detyre.