Ish-zyrtari i policisë: SHISH raportoi se në Shqipëri janë mbjellë 8 milion rrënjë kanabisi në 2016

Kryetari i Shoqatës së Policëve të Liruar, Aleks Hajdari, ka deklaruar se në Shqipëri janë mbjellë 8 milion rrënjë kanabisi për vitin 2016.

Hajdari theksoi se ky lajm është raportuar nga Shërbimi Informativ Shtetëror. Ai tregoi se në vitin 2016 është përdorur fara vietnameze e cila ka dhënë prodhim dy herë.

“SHISH raportoi për 8 milionë rrënjë kanabis të kultivuara në territorin shqiptar për vitin 2016. E përkthyer në ton, në 2016 në përgjithësi është përdorur fara vietnameze, 45 ditëshe dhe ka marrë përdorim dy herë, janë rreth 300-400. Nga Holanda është importuar. 8 milionë rrënjë kanabis janë raportuar nga SHISH në Komisionin e Sigurisë”, tha Hajdari.