Iu lut të fejuarit të kthehej por ai e braktisi, vajza: Shtatzëninë po e kaloj e vetme

Ajo u bë protagoniste e lajmeve në muajin shtator teksa i lutej dhe përgjërohej të fejuarit të saj që të ktheheshin bashkë dhe të shijonin frytin e tyre të dashurisë, fëmijën që sapo ishte ngjizur. Bëhet fjalë për Florida Merselën, vajzën nga një fshat i Klosit, e cila është bërë sërish pjesë e emisionit “Me zemër të hapur” në ‘News24’.

Pasi mori live refuzimin e të fejuarit të saj, Elvin Hoti, ajo përjetoi momente të vështira, mes lotësh dhe dramës, pasi ngeli e vetme. Por shpresat për 20-vjeçaren janë rritur. E përkrahur nga një qendër për femrat e braktisura, Florida sot shijon shtatzëninë e saj.

Pjesë e emisionit është bërë edhe zonja Antoneta Nushi, themeluesja e shoqatës për gratë e braktisua, e cila i ka hapur dyert 20-vjeçares, duke e strehuar në strehëzën në fjalë.

Zonja Antoneta po na ndiqnit atë ditë kur u dha emisionit e më pas ofruar ndihmë?
Jo. Unë isha në Itali në atë kohë, duke punuar për shoqatën që kam hapur. Kur erdha nga Shqipëria lash kontakt me Floridën.

Është e vështirë të bashkëjetosh me Floridën…
Po është e vështirë. Ajo ka natyrë ndryshe. Ajo vjen nga një realitet i vështirë. Ajo nuk ka pasur shumë kontakte të afërta me prindërit. Unë nuk kam dëgjuar kaq shumë një vajzë të re që të flas pa kufij për fëmijën e saj. Ndoshta është fiksim.

Si ju lindi ideja e hapjes së kësaj qendre?
E kam pasur dëshirë gjithmonë. Ndoshta natyra ime altruiste më ka bërë të mendoj. Doja të njihesha, të lija gjurmë, të ndihmoja. Jam nënë e dy fëmijëve, një vajze dhe një djali.