Kapet karteli “Genti” në Greqi, fotot dhe emrat e të arrestuarve

Aktualitet E Premte, 7 Maj 2021 07:37

Policia greke zbardh të tjera detaje nga operacioni i zhvilluar pak ditë më parë që çoi edhe në zbërthimin e klanit të drogës.

Hetim i cili u zhvillua për vrasjen e 32-vjeçarit shqiptar, Rigert Dervishi.

Mësohet se shqiptari i njohur me emrin “Genti” ishte koka e kartelit të drogës në Greqi, i cili qarkullonte deri në 20 milionë euro përmes trafikut.

Mediat kanë publikuar edhe fotot me emrat e shqiptarëve të arrestuar të cilët ishin pjesë e bandës së drejtuar nga “Genti” por që për këtë të fundit nuk ka asnjë të dhënën.

Nga policia greke mësohet se karteli i drogës kishte rreth 146 anëtarë, 59 prej tyre u arrestuan disa ditë më parë, nga ku 38 janë lënë në masën arrest me burg, ndërsa 46 të tjerë janë shpallur në kërkim.

Për kokën e këtij karteli të drogës, policia greke dyshon se ndodhet në Shqipëri, por informacioni për këtë pjesë është mjaft i cunguar.

Sipas policisë greke, grupi funksiononte në mënyrë hierarkike me në krye “Gentin”. Pas tij vinin 4 shtetas shqiptarë, ndërsa në nivelin e tretë ishin 3 shqiptarë dhe 4 grekë.

Në nivelin e katërt 3 grekë merreshin me trafikun në kufirin greko¬shqiptar, ndërsa në nivelin e pestë ishin 17 shqiptarë,1 grek, 1 bullgar e 1 rumun, që kryenin magazinimin e drogës.

Në nivelin e gjashtë, 6 shqiptarë, 3 grekë dhe 1 bullgar, shpërndanin drogën kundrejt shitësve të vegjël dhe në nivelin e fundit ishin gjithë tregtarët e sasive të vogla të drogës në qendër të Athinës, kryesisht shtetas afrikanë.

Mendohet se grupi kontrollonte rreth 35% të tregut të narkotikëve në Athinë, duke bërë që goditja e tij të ulë ndjeshëm shitjen e drogës në këtë zonë. Fitimet e organizatës kriminale arrinin deri në 20 milionë euro në vit.

Hetimet për zbërthimin e kartelit të drogës vijuan për rreth 8 muaj, ku u angazhuan disa prej ekspertëve më të mirë të policisë greke.

Emrat e shqiptarëve: