Emiliano Shullazi nuk do të lirohet nga qelitë e regjimit të egër 41bis, kjo pasi Gjykata e Lartë ka rrëzuar kërkesën e tij dhe të bashkëpandehurve.
Një kolegj tre anëtarësh i Gjykatës së Lartë nuk ka pranuar kundërshtimet e bëra nga të pandehurit ndaj vendimit të Apelit të Posaçëm për lënien e tyre në regjimin e posaçëm.
Shullazi dhe grupi po vuajnë një dënim me 55 vite burg në total dhënë nga Gjykata për Krimet e Rënda për akuzat e “gjobëvënies” dhe “grupit të strukturuar kriminal”.
