Këshilltarja e Ramës: Shqipëria pa ndikim rus, ndaj dhe ekonomia nuk preket

Këshilltarja e kryeministrit Edi Rama, Odeta Barbullushi thotë se ndikimi i Rusisë në ekonominë shqiptare nuk është prezent dhe lufta në Ukrainë nuk do të ndikojë në ekonominë vendase.

Po ashtu ajo nënvizon se Shqipëria ndryshe nga shumë vende të rajonit apo anëtare të BE nuk ka lidhje të forta ekonomike me Rusinë.

”Shqipëria nuk është një vend ku influenca ruse në ekonomi, në energjetikë apo në fushën e transportit është prezent. Ka një lloj pavarësie që nuk e shohim në shumë vendet e tjera, përfshirë dhe fqinjët tanë apo në shumë vende të tjera më të mëdha në BE”.