Këtë javë nuk do të ketë seancë plenare, në 30 nëntor pritet shkarkimi i kreut të KQZ

Këtë javë deputetët nuk do të mblidhen në seancën plenare.

Burimet bëjnë të ditur se seanca do të mblidhet në 30 nëntor, ku do të diskutohet edhe buxhëti nen për nen.

Po ashtu, burimet sqarojnë se do të mblidhet Konferenca e Kryetarëve dhe në datën 30 nëntor do të shkarkohet kryetari i KQZ Klement Zguri, duke shpallur edhe vakancën për këtë post.

Pritet që konferencës t’i propozohet si pikë për rend dite të seancës së 30 nëntorit, pikërisht propozimi për shkarkimin e Klement Zgurit.

Partia Socialiste akuzoi kreun e KQZ Klement Zguri se shkeli kodin zgjedhor dhe ligjin e dekriminalizimit.