Klosi: Ligji për mbrojtjen e fëmijëve, punonjës social me tre turne

Ministri i Mirëqënies Sociale, Blendi Klosi, prezantoi sot në Komisionin e Integrimit ligjin e ri për mbrojtjen e fëmijëve.

Klosi vuri në dukje se aktualisht numërohen vetëm 30 punonjës socialë në të gjithë vendin.

Ndërsa ligji i ri, sipas tij parashikon që në çdo Bashki të ketë punonjës socialë me tre turne.

Klosi tha gjithashtu se ligji i ri parashikon të drejtën e pezullimit të së drejtës prindërore në mënyrë të menjëhershme në rast dhune dhe neglizhimi.

“Mjekët, mësuesit, edukatorët, janë te detyruar me ligj të raportojnë dyshimin për dhunë”, tha Klosi.

Ndërkohë kryetarja e Komisionit, Majlinda Bregu, përgëzoi Ministrinë për ligjit, por ngriti si shqetësim shrytëzimin e fëmijëve për punë.