Koronavirusi, Ambasada e SHBA mesazh për klasën politike dhe qytetarët

Ambasada e Shteteve të Bashkuara të Amerikës ka reaguar për situatën e koronavirusit në Shqipëri. Në një publikim në Facebook, Ambasada shprehet se të gjithë në Shqipëri duhet të bashkëpunojnë për përballimin e situatës.

“COVID-19 kërkon që cilido në Shqipëri – pavarësisht se kush je – të bashkohet në frymë dhe në veprime. Ashtu si Presidenti Meta, Kryeministri Rama dhe Kryetari i Partisë Demokratike Basha ranë dakord së bashku, kjo është një kohë për veprime të qeta dhe praktike nga publiku, dhe veprime të shpejta e të përgjegjshme nga të gjithë udhëheqësit. Në këtë drejtim, edhe Ambasada do të zbatojë masat mbrojtëse bazë ndaj COVID-19 të rekomanduara nga OBSH-ja, përfshirë mbajtjen e largësisë midis personave dhe masa të rritura personale higjenike, si larja e shpeshtë e duarve. Do të vijojmë të mbështesim përpjekjet e qeverisë së Shqipërisë për të udhëhequr një përgjigje të bashkërenduar dhe transparente, e cila i mban të gjithë njerëzit në Shqipëri sa më të sigurtë, të shëndetshëm dhe të informuar që të jetë e mundur”,- thuhet në njoftimin e Ambasadës së SHBA.

Lexoni edhe..

Basha sulmon qeverinë për masat e dobëta për të luftuar coronavirus

Shqipëria mbyll kufijtë me Italinë

Studimi për përhapjen e koronavirusit që na jep shpresë

Dezinfektohen të gjitha këndet e lojërave në Tiranë

Drejtoresha e ISHP: Koronavirusi mund të ndalet

Protokolli për Koronavirusin: Jo lëvizje pa ambulancë në spitale