Koronavirusi u merr jetën tre pacientëve në Infektiv, ministria jep detajet

Tre pacientë kanë humbur jetën në 24 orët e fundit në Infektiv, pa mundur t’i mbijetonin koronavirusit.

Lajmin e ka bërë me dije sot Ministria e Shëndetësisë, gjatë të dhënave të fundit lidhur me situatën e koronavirusit në vend.

Ministria e Shëndetësisë ka bërë sot me dije, se një nga rastet e humbjes së jetës, është mjeku i familjes nga Puka, që luftonte prej disa ditesh në Infektiv.

Ndërkohë që dy të tjerë janë një 63 vjeçar nga Lezha dhe një 65 vjeçare nga Tirana, që megjithë përpjekjet e mjekëve nuk kanë mbijetuar dot nga Covid-19.