Kreu i ALUIZNI-t do jetë edhe anëtar i Bordit të Hipotekave

Kreu i Agjencisë së Legalizimit dhe Urbanizimit të Zonave Informale (ALUIZNI), Artan Lame do të jetë edhe anëtar i Bordit të Hipotekave.

Vendimi është marrë sot në Mbledhjen e Këshillit të Ministrave.

Sipas VKM-së, Lame do të jetë përfaqësues i Ministrisë së Drejtësisë në këtë bord.

Bordi drejtues i Zyrës së Regjistrimit të Pasurive të Paluajtshme kryesohet nga një përfaqësues i kryeministrit dhe ka në përbërje përfaqësues nga Ministria e Drejtësisë dhe Ministria e Financave.