Kryeministri Rama: Duroni e rrini në shtëpi, pagat do ua paguaj qeveria për ditët e shtetrrethimit

Kryeministri Edi Rama ka njoftuar sot se do të miratojë një vendim ku qeveria merr përsipër pagesën e pagave të biznesit privat, për ditët që punonjësit janë në izolim, për shkak të masave për frenimin e koronavirusit.

Në një mesazh në Facebook, Kryeministri Edi Rama shkruan:

JU LUTEM TË GJITHË ATYRE QË JANË NË SHTËPI PAS MBYLLJES SË AKTIVITETIT EKONOMIK, TË RRINË TË QETË DHE BËJNË DURIM SEPSE TË ENJTEN DO TË KEMI GATI PLANIN E GARANCISË FINANCIARE PËR KOMPENSIMIN E PAGAVE TË MUNGUARA TË ÇDO BIZNESI!

NUK DO TË VIJË FUNDI I MUAJIT PA PAGËN E GJITHKUJT NDËR JU QË QËNDRON NË SHTËPI SI PASOJË E MBYLLJES SË BIZNESIT KU PUNON!

DURIM JU LUTEM DHE BESIM QË PO PUNOJMË PAPUSHIM PËR TË MOS LËNË ASNJË VETËM NË PËRBALLIMIN E PASOJËS FINANCIARE TË MOSVAJTJES NË PUNË!