Kryeministri u përgjigjet komentuesve: Inati i sime vjehrre dhe bum në krevat mullixhiut!

Kryeministri Edi Rama u është përgjigjur komenteve në rrjetet sociale, sa i përket ngjarjes së ndodhur ditën e djeshme, ku një fëmijë 1 -vjeçar u soll nga Gaza në Tiranë për ndihmë të specializuar mjekësore.
“I hodha një sy shpejt komenteve në postimin për familjen nga Gaza që e mikpritëm për t’i dhënë ndihmë urgjente mjekësore fëmijës 1 vjeç.
E kam më ty Daniel e ty adash, kur i shkruani komentet e keni seriozisht apo thjeshtë: inati i sime vjehrrë dhe bum në krevat mullixhiut? Që e keni inat qeverinë ky nuk është faj. Por të të çoje kjo të flasësh përçart është të përhapësh gënjeshtra për llogari të atyre që janë kapur nga gënjeshtra si i mbyturi pas fijes së barit. Ku i keni parë fëmijët që ne i likemi të vdesin? Kjo është një pyetje retorike. Ok, nuk ju fajësoj se inati po, llumi i foltoreve kanaleve ku zhyteni përditë, dhe ju duket sikur vdesin njerëzit për një aspirinë.
Çdo vit në Shqipëri kurohen 46 mijë fëmijë në pediatri. 15 mijë prej tyre në QSUT. Dhe operohen 2400 fëmijë me sukses të plotë në QSUT”, tha Rama.