Kryenin punime në rrugë pa leje në Kamëz, dy persona nën hetim

Aktualitet E Diel, 30 Maj 2021 12:48

Policia e Tiranës ka nisur procedimin penal për dy persona, pas kryenin punime në rrugë pa leje përkatëse. Burime zyrtare bënë me dije se nën hetim janë shtetasi me inicialet A. R., 45 vjeç dhe P. Z., 50 vjeç, të dy banues në Tiranë.

Këta shtetas janë konstatuar duke bërë një kanal në rrugën “Islam Spahiu”, në lagjen Kodër Kamëz, me pretendimin që dispononin një leje nga njësia Administrative 11. Nga hetimet paraprake të kryera nga Specialistët, është mësuar se kjo Njësi Administrative, për shtetasin A. R., ka lëshuar vetëm një leje në kushtet e emergjencës për përmbytje.

Gjithashtu me shkresën e datës 23.06.2017, i është kërkuar Informacion Bashkisë Tiranë, nëse leja e dhënë i përmbahet punimeve të kryera dhe a është kompetencë e njësisë administrative për dhënien e këtyre lejeve. Materialet proceduriale i’u kaluan Prokurorisë së Rrethit Gjyqësor Tiranë, për vlerësim dhe hetim të mëtejshëm në ngarkim të shtetasve të sipër përmendur.