Kur Havana ngjan me Tiranën/ Kubanezët në radhë për homazhe ndaj Kastros (VIDEO)

Në kryeqytetin kuban, Havana, njerëzit janë mbledhur në një radhë të gjatë, nën diellin e fortë, duke pritur të kryejnë homazhet ndaj ish-diktatorit Fidel Kastro.

Pamjet tregojnë trishtimin e tyre, ndërsa një pjesë e madhe e njerëzve, shprehen se Kastro ishte udhëheqësi politik më i rëndësishëm dhe se për të do të duronin gjithçka, vetëm që të mund të kryenin respektet ndaj tij.

Por, teksa sheh radhën e gjatë të njerëzve, nuk mund të mos kujtosh se pamje thuajse identike erdhën katër vjet më parë nga Koreja e Veriut, pas vdekjes së Kim Jong Il. Dhe, për më tepër, nuk ka thuajse asnjë ndryshim nga ato të Shqipërisë së dikurshme, kur njerëzit mbanin radhën për të kryer homazhet ndaj diktatorit të vdekur, Enver Hoxha.