Kush është Artan Hajdari, avokati që po mbron ish-ministrin e Brendshëm?

Avokati që është pajtuar nga ish-ministri i Brendshëm Saimir Tahiri, për ta mbrojtur atë gjatë procesit të sapo nisur për një hetim të Prokurorisë së Krimeve të Rënda lidhur me akuzat që implikon ish-ministrin e Brendshëm Saimir Tahiri, në trafikun e drogës.

Hajdari është bërë së fundmi pjesë e komisionit të ekspertëve të nivelit të lartë që asistuan Kuvendin e Shqipërisë në procesin e reformës në drejtësi.

Është diplomuar në Drejtësi në Universitetin e Tiranës dhe ka përfunduar Studimet Master në të drejtën Evropiane. Prej vitit 2010 është kandidat për doktoraturë në Universitetin e Tiranës. Ka ushtruar profesionin e Avokatit prej vitit 1991 dhe është anëtar i Dhomës Kombëtare të Avokatisë prej vitit 1998. Në periudhën 1991 – 1992 ka punuar si gjyqtar në Gjykatën e Shkallës së Parë Fier dhe gjatë periudhës 1992 – 1993 ka qenë Kryetar i kësaj Gjykate. Në periudhën 1993 – 1994 ka qenë Kryetar i Gjykatës së Apelit Vlorë dhe në periudhën 1994 – 1997 ka qenë Kryetar i Gjykatës së Shkallës së Parë Vlorë. Prej vitit 1998, ai është Ortak Themelues i Studios së Avokatisë “ Haxhia & Hajdari”. Ka ushtruar funksionin si Zëvendës Ministër pranë Ministrisë së Drejtësisë për dy vjet. Është Pedagog në Shkollën e Magjistraturës dhe autor i një sërë artikujsh për të Drejtën Civile dhe Tregtare. Ka qenë pedagog për disa vjet në institucione të ndryshme si në Shkollën Kombëtare të Avokatisë, Universitetin “ Ismail Qemali “, Vlorë. Fushat e tij të praktikës përfshijnë të drejtë civile, kontraktore, bankare dhe e drejtë financiare. /H.Mesi

CV e publikuar në faqen zyrtare të Reformës në Drejtësi