Kushërinjtë e vrarë në Itali/Familjarët: S’kemi bërë deklaratë për vetëgjyqësi

Sa i takon ekzekutimit të dy kushërinjve në Itali ditë më parë, ku makina ishte bërë shosh nga plumbat, familjarët e tyre kanë zgjedhur që të mos heshtin, por të rrëfejnë çfarë dinë për këtë ngjarje të rëndë.

Mesohet se familjarët e dy viktimave nuk kanë dhënë asnjë deklaratë për mediat e huaja, ndërsa konfirmojnë se ata nuk i dinë se kush janë autorët.

Babai i Albanit, Zef Lleshi, ka kërkuar nga drejtësia italiane që të zbardhë krimin, e njëkohësisht konfirmon se nuk ka dhënë asnjë deklaratë se do bëjnë vetëgjyqësi.

“Nuk kemi bërë deklaratë për mediat e huaja. Ne nuk dimë motivin e vrasjes së dy djemve tanë.

Mesa dimë, djemtë nuk kishin asnjë konflikt. Nuk kemi bërë deklaratë se do bëjmë vetëgjyqësi”, ka thënë Zef Lleshi.