Kushte atmosferike të favorshme, si pritet të jetë moti këtë të diel

Kjo e diel do të karakterizohet nga mot kryesisht i qëndrueshëm në të gjithë vendin. Fillimisht, qielli do të jetë i kthjellët, ndërsa gjatë ditës do të ketë shtim të vranësirave, të cilat herë pas here do të jenë të dendura.

Nga mesdita deri në orët e pasdites, në zonat lindore dhe jugore priten reshje lokale dhe afatshkurtra shiu me intensitet të ulët.

Era do të fryjë nga veriperëndimi drejt juglindjes me një shpejtësi mesatare rreth 7 m/s, ndërsa në det valëzimi do të jetë i ulët, me forcë 1 deri në 2 ballë.