Kuvendi i rrethuar nga Policia/ Protestueset përballen me deputeten e PS-së në qendrën tregtare: Hajdute

Sot nis sesioni i ri parlamentar, ndërsa Policia e Shtetit ka marrë masa të shtuara të sigurisë në zonën përreth Kuvendit, duke vendosur një kordon të gjerë policor. Në përpjekje për të shmangur turmën dhe për të vijuar rrugën drejt Kuvendit, deputetja e Partisë Socialiste, Iris Luarasi, ka zgjedhur të kalojë përmes qendrës tregtare Toptani.

Deputetja është përballur me protestueset, të cilat e kanë ndjekur dhe i kanë drejtuar thirrje të forta. Mes tyre është dëgjuar edhe thirrja “Hajdute!”. Përplasja verbale ka ndodhur në ambientet e qendrës tregtare, ndërsa deputetja ka vijuar rrugën drejt Kuvendit, ku pritet të zhvillohet seanca e parë e sesionit të ri parlamentar.

“Hajdute! Mos fol në emër të grave! Ti nuk je mbrojtësja e grave! Ti nuk i përfaqëson gratë! Po, ti! Po ti përfaqësoje nuk do të bashkoheshe me qeverinë e krimit! S’kemi turp fare, turp të keni ju! Hajdute!”, i tha aktivistja Arvina Lleshi.

Masat e policisë janë shtuar në kuadër të nisjes së punimeve të Kuvendit, ndërsa situata vijon të monitorohet nga efektivët e vendosur në terren.

Lexoni edhe:

Bllokohet hyrja përballë Kalasë së Tiranës, kordon policor dhe gardh metalik

Seanca në Kuvend, Policia ”blindon” me gardh metalik rrugën

Deputetët rikthehen në Kuvend, Presidenti Begaj: Energjia qytetare të ushqejë dialogun dhe të ndihmojë në gjetjen e zgjidhjeve