Lajmërohet për mot shumë të rrezikshëm, sidomos në det ku forca e dallgëve do të jetë 7-8 ballë

Sot pritet mot shumë i keq, sidomos në det.

Drejtoria e Përgjithshme Detare njoftoi të hënën se si rezultat i erërave të forta me drejtim jugperëndimin dhe veriperëndimin më datë 7 shkurt 2022 deri më 8 shkurt 2022, moti në të gjithe bregdetin shqiptar do të jetë i përkeqësuar.

Bregdeti shqiptar do të përfshihen nga erëra me shpejtësi deri në 33 milje në orë dhe lartësia e dallgës së detit arrin në 2,8 – 3,5 m dhe forca e detit 5-6 deri 7-8 ballë.

Kushtet e motit përmirësohen më datë 9 shkurt 2022 mbas orës 6 të mëngjesit.

Për shkak të kushteve të motit pezullohet lundrimi i mjeteve te vogla lundruse dhe mjeteve tē peshkimit.

Gjithashtu, për datën 7 shkurt 2022 është pezulluar lundrimi për linjën Durrës – Bari- Durrës, Vlorë – Brindisi-Vlorë.

Drejtori e Përgjithshme Detare bëri të ditur se do të informojë në vijmësi për çdo ndryshim