Lorenc Goga, modeli i biznesmenit të suksesshëm të së tashmes që i duhet politikës nesër

Kryetarja e LSI, Monika Kryemadhi ka zhvilluar ditën e djeshme një takim me të rinj në kryeqytet, të cilët punojnë në një prej kompanive më të mëdha në vend, sa i takon sektorit të Call-Center/BPO. Ajo u takua me biznesmenin Lorenc Goga, i cili është kthyer nga Italia për të punuar e investuar në Shqipëri për t’u bërë një nga biznesmenët me të suksesshëm i ardhur nga emigracioni, por edhe me stafin e tij, të përbërë kryesisht nga të rinj e të reja. Teksa ka biseduar me ta, Kryemadhi ka treguar për programin zgjedhor të LSI, i cili është mjaft mbështetës për biznesin dhe i hap rrugë jo vetëm shkollimit të të rinjve, por edhe mundësinë për të punuar.

Askush më mirë se Goga nuk mund ta kuptojë këtë program, nisur nga fakti që e ka provuar vetë si është të përballesh me taksat e larta dhe politikat e gabuara ekonomike ndaj biznesit të madh, ku punësohen shumë njerëz, edhe gjatë muajve të vështirë të pandemisë. Prandaj mbështjetja që programi i LSI ofron është shumë e rëndësishme për të dhe të tjerët që operojnë në këtë sektor.

Ndërkohë, nisur nga suksesi i Lorencit veçanërisht në biznes, ai konsiderohet në këto zgjedhje si një risi dhe katalizator për elektoratin, duke qenë imazhi i qytetarisë, ndërsa ka dëshmuar gjithmonë kapacitetet intelektual dhe menaxherial. Po ashtu ai njihet për eksperiencën e rëndësishme ndërkombëtare, popullaritetin falë punës dhe kontributit të tij, por njëkohësisht edhe thjeshtësinë dhe dëshirën që e dëshmon vazhdimisht për të ndihmuar të tjerët. Gjithashtu ai shihet edhe si një prej përfaqësuesëve më dinjitozë të grupit të interesit që i përket dhe sipermarrjes, teksa idetë e tij duket se i ndajnë një masë e madhe njerëzish.

Këto cilësi, por edhe të tjera, e bëjnë Gogën të ketë një ndikim të madh në këtë periudhë, në të njejtën kohë i japin atij profilin perfekt të personit që duhet ta mendojë përfshirjen në politikë dhe një kandidat mjajft interesant për të ardhmen.