Luçiano Boçi për Ramën e Vuçiçin: Vëllezër ballkanikë, flasin me të njëjtën gjuhë

Ish-deputeti i Partisë Demokratike, Luçiano Boçi i ka quajtur Ramën dhe Vuçiçin si vëllezër ballkanikë dhe njëherësh një turp i Ballkanit, që tashmë, sipas tij, kanë njësuar edhe gjuhën, përpos qëndrimit për Kosovën.

Përmes në postimi në rrjetet sociale, Boçi thekson se Vuçiç me Ramën ndihet si në shtepinë e vet.

Postimi i plotë i Boçit

VËLLEZËRIT BALLKANIKË
SI TURP BALLKANIK
Vuçiç dhe Rama tashmë kanë njësuar jo vetëm qëndrimet për të kafshuar Kosovën, por dhe gjuhën e tyre.
Tek është shprehur për protestuesit ndaj tij, Vuçiç ka përdorur të njëjtën gjuhë urrejtje me nota raciste, sikurse Rama me protestuesit.
Vuçic i konsideron protestuesit fise, Rama tufë. Është i njëjti mentalitet.
Ky flet për heroizma të kërkuara ndaj policëve, sikur t’ia ketë thënë Rama në vesh dhe po si Rama ngrefoset me pozitën që ka.
Dhe këtë e bën në mes të Tiranës, në vigjilje të ditës së Europës.
Nuk është rastësi!
Është turp i gatuar dhe i ngrënë antikombëtar në intimitetin e pushtetit e karrikes së Ramës.
Me Ramën ai ndihet si në shtëpinë e vet.