Makinat bëhen copë në aksin Cërrik-Belsh. Tre të plagosur, policia jep detajet e para

Një tjetër aksident është regjistruar në aksin rrugor Cërrik-Belsh këtë të premte, ku si pasojë tre persona kanë mbetur të plagosur.

Policia bën me dije se nga përplasja e dy automjeteve Benz, “janë dëmtuar të dy drejtuesit e mjeteve dhe pasagjerja, shtetasja K. U., të cilët ndodhen në Spitalin Rajonal Elbasan, jashtë rrezikut për jetën”.

Cërrik/Informacion paraprak

Më datë 07.01.2022, rreth orës 10:30, në aksin rrugor Cërrik Belsh, mjeti tip “Benz” me drejtues shtetasin M. F. është përplasur me mjetin tip “Benz” me drejtues shtetasin V. H.

Për pasojë janë dëmtuar të dy drejtuesit e mjeteve dhe pasagjerja, shtetasja K. U., të cilët ndodhen në Spitalin Rajonal Elbasan, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit.